جدول المحتويات
بما اننا داخلين علي رمضان والشهر ده احلي ما فيه أكلاته ده لأن سفرة رمضان دي مبتكتفيش بصنف واحد او صنفين دي بتبقي مليانه من كل صنف وصنف وعشان كده بنقدملكم النهاردة احلي اكلات رمضات اللي بتيحث عنها كل ست مصرية ومستحيل سفرتك تكتمل من غيرها يلا بينا نشوف مع بعض أحلي وصفات الفراخ اصناف وتتبيلة الفراخ مختلفه ومشويه تصلح للشوى فى الفرن او على الجريل او الطاسه او التسويه على البخار وتخلى سفرتك على الفطار تشرف والكل يقولك تسلم ايدك على طريقه الفراخ دى وبدون وقت ولا مجهود بمكونات فى البيت وبسيطه وسهله واحلى طعم بطرق هتعتمديها دايما في مطبخك.
تتبيلة الفراخ بعصير البصل
المقادير
- ربع كوب من ماء عصير البصل
- ثمرة طماطم مبشورة
- ٢ ملاعق زيت
- ملعقه صغيره خل
- ملعقه صغيره بابريكا
- نصف ملعقه صغيره شطه (حسب الرغبة)
- نصف ملعقه صغيره سكر
- ربع ملعقة صغيرة فلفل اسود
- ربع ملعقة صغيرة ملح
طريقه التحضير
نحضر بوله ونضيف ماء البصل والطماطم والزيت والخل والبابريكا والشطه حسب الرغبه والسكر والفلفل الاسود والملح ونقلب جيد المكونات ونجيب الفرخه تكون مغسوله كويس جدًا ونفتحها بالسكين حتى تشرب التتبيله من الداخل ونتركها مده لا تقل عن ساعه ونشويها على الجريل او الطاسه او فى الصنيه وندخلها الفرن زى ما تحبى وبالهنا.
تتبيلة الفراخ بالمستردة
المقادير
- كوب زبادي صغير او كوب لبن رائب
- فص ثوم مفروم
- ٢ ملاعق كبيرة مستردة
- نصف ملعقه صغيره فلفل أبيض
- ربع ملعقة صغيرة ملح
طريقه التحضير
نحضر بوله ونضيف الزبادى او الرايب حسب المتوفر عندك والثوم والمسترده والفلفل الابيض والملح ونقلبهم جيد ونضع الفراخ فى التتبيله لمده لا تقل عن ساعه ونحطها على الجريل ونشويها على الجنانبين او حطيها فى صنيه ودخليها الفرن لمده ٤٥ دقيقه وافتحى الشويه تاخذ لون واخرجيها من الفرن وبالهنا.
تتبيلة الفراخ الهندية
المقادير
- ٣ ملاعق كبيرة زيت
- ملعقه كبيره من بهارات جراما سالا
- ملعقه صغيره من الفلفل الاسود
- ملعقه صغيره من الشطة
- ملعقه صغيره من البارببكا
- ملعقه صغيره من الكارى
- كوب زبادي صغير
- ربع ملعقة صغيرة ملح
طريقه التحضير
فى بوله ونخلط جميع المكونات الملح والبابريكا والزبادى والكارى والبابريكا والشطه والفلفل الاسود وبهارات سالا والزيت ونخلطهم جيد ونوضع الفراخ فى التتبيله لمده لا تقل عن نص ساعه ولو فتره اطول يكون افضل ونشويها فى الطاسه او على الجريل او الفرن حسب ما تحبى وبالهنا.
تتبيلة الفراخ بالكزبرة والليمون
المقادير
- ٢ ملاعق كبيرة زيت زيتون
- ٢ ملاعق كبيرة عصير ليمون
- ١.٥ ملاعق كبيرة عسل
- نص كوب أوراق كزبرة مفرومة
- ٢ فص ثوم مفروم
- ربع ملعقة صغيرة ملح
طريقه التحضير
فى بوله ونخلط المكونات الزيت الزيتون وعصير الليمون والعسل والكزبره والملح والثوم ونوضع بها الفراخ ونتركها ساعتين على الاقل ونشويها على الجريل او الفحم وبالهنا.
تتبيلة الفراخ بالفلفل الحلو
المقادير
- ٦ ملاعق كبيرة من صلصة الفلفل الحار (هريسة الشطة أو الكاتشب الحار)
- ربع كوب ماء
- ٣ ملاعق كبيرة من الصويا صوص (ينصح بتقليل الملح)
طريقه التحضير
فى بوله وننزل بالمكونات ونخلطهم كويس وننزل بالفراخ لمده ساعه على الاقل ونشويها على الجريل او البخار حسب رغبتك
تتبيلة الفراخ العادية
المقادير
- ١ ملعقة صغيرة من الزعتر المجفف
- ١ ملعقة صغيرة بهارات دجاج مطحونة
- ٢ ملاعق كبيرة من السكر البني
- نصف ملعقة صغيرة ملح
- نصف ملعقة صغيرة فلفل
- ٢ ملاعق صغيرة ثوم بودره
- ربع ملعقة صغيرة قرفة
- نصف ملعقة صغيرة شطة
- ٢ ملاعق كبيرة زيت
- ٢ ملاعق كبيرة عصير ليمون
طريقه التحضير
فى بوله كبيره نضيف عصير ليمون والزيت والشطه والقرفه وثوم بودره والفلفل والملح والسكر البنى وبهارات الدجاج والزعتر ونخلطهم جيد ونوضع فيهم الفراخ لمده ساعه على الاقل ونحطها فى صنيه وفى الفرن لمده ٤٠ دقيقه ونشغل الشوايه خمس دقايق وبالهنا او نشويها على الجريل او الطاسه زى ما تحبى
تتبيلة الفراخ بالليمون والزنجبيل
المقادير
- ٢ ملاعق كبيرة زيت
- ٢ ملاعق صغيرة من عصير الليمون
- 2 ملاعق صغيرة من الزنجبيل المفروم
- ربع ملعقة صغيرة ملح
- ربع ملعقة صغيرة من الفلفل الأحمر المجفف (اختياري)
طريقه التحضير
فى بوله كبيره ونضيف الزيت وعصير الليمون والزنجبيل والملح والفلفل الأحمر اختيارى طبعا ونخلطهم جيد ونضيف الفراخ عليها ونتركها نص ساعه تقريبا او اكتر حسب الرغبه ونشويها على الجريل او الطاسه وبالهنا
تتبيلة الفراخ عاديه
المقادير
٢ ملاعق كبيرة زيت
٢ ملاعق صغيرة من شيبوتلى بيبر ( الفلفل الأحمر الحلو المجفف)
نصف ملعقة صغيرة بابريكا
٢ ملاعق صغيرة من السكر البني
٢ فص ثوم مفروم
٢ ملاعق كبيرة عصير ليمون
ربع ملعقة صغيرة ملح
طريقه التحضير
فى بوله نضيف الملح وعصير الليمون والثوم والسكر والبابريكا والفلفل الأحمر والزيت ونخلطهم ونضيف عليهم الفراخ ونتركها نص ساعه على الاقل ونشويها على الجريل او البخار او الطاسه او الفرن زى ما تحبى وبالهنا
تتبيلة الفراخ بالعسل والثوم
المقادير
٢ ملاعق كبيرة زيت
٢ ملاعق كبيرة من الصويا صوص
ربع كوب عسل أبيض
٢ فص ثوم مفروم
ربع كوب ماء
طريقه التحضير
فى بوله ونضيف الماء والثوم والعسل والصويا صوص والزيت ونخلطهم ونضيف الفراخ ونتركها ساعه ونحطها فى صنيه وندخلها الفرن لمده ساعه الا ربع ونفتح الشوايه ٥ دقائق وبالهنا
تتبيلة الفراخ باللبن والكاري
المقادير
نصف كوب زبادي سادة
٢ ملاعق صغيرة من عصير الليمون
ربع ملعقة صغيرة ملح
٢ ملاعق صغيرة كاري
١ ملعقة صغيرة سكر
طريقه التحضير
فى بوله نضيف المكونات ونخلطهم جيد وننزل بالفراخ ونتركها ساعه على الاقل ونشويها على الجريل وبالهنا
تتبيلة الفراخ مشويه بفرن
المقادير
- علبة زبادي خالي الدسم
- اربع ملاعق زيت
- ملح
- عصرة ليمون
- ٤فصوص ثوم مهروس
- فلفل احمر
- نص ملعقه خل
- زعتر
- اكليل الجبل
- زنجبيل مطحون نصف ملعقه طماطم صلصه
- ربع كوب ماء
طريقه التحضير
تخلطي جميع المكونات وتقعدي منظفه الدجاج كويس وفاتحه فيه فتحات بالسكينه وتحطيه في الخلطه وتخليه ساعتين بعد ساعتين تقعدي مسخنه الفرن علي درجه حراره ٢٠٠ وتحطيه في طاجين وتغلفيه بالسلفر ياخد ساعه كامله يطيب بعدها خودي من صوص وحطي له ملعقه زيت وخلطي وادهنيه بالفرشاه وحمريه من فوق ٥ دقائق وبالهنا