جدول المحتويات
المكرونة بالبشاميل من الأكلات اللذيذة التي تضيف لمظهر سفرتك شكل فخم وطعم رائع، ونقدم لكي سيدتي الذ واطيب طريقة عمل المكرونة بالبشاميل خطوة بخطوة إقتصاديه جدًا وببشاميل كريمى إستحاله حد يعرف انها بدون لحوم وهتشرفك فى اى عزومه وبمكونات موجوده في البيت.
مكونات المكرونة بالبشاميل بدون لحمه ولا فراخ
- 400 جم مكرونه (كيس)
- البشاميل
- ٣ كوب حليب
- كوب شوربه
- كوب من ماء سلق المكرونه
- نص ملعقة صغيرة فلفل اسود
- ملعقة صغيرة ملح
- ٢ قطعه جبنه مثلثات
- ملعقة كبيرة قشطه
- كوب من الدقيق
- الحشوه
- ٢ بصله
- ٢ فلفل
- ١ طماطم متوسطه
- البهارات
- ملعقة صغيرة كمون
- رشه فلفل اسود
- ملعقة صغيرة بابريكا
- ملعقة صغيرة ملح
- ملعقة صغيرة بهارات مشويات
- رشه سكر
- ملعقة صغيرة بهارات لحمه او كفته
- موتزريلا(اختيارى)
طريقة عمل المكرونة بالبشاميل بالطريقة المصرية
لتحضير صنية المكرونة بالبشاميل بأقل تكاليف اتبعي الخطوات الاتية: ضعي حله على النار ثم قومي بغلي الماء، ونحط نص معلقه ملح ونحط المكرونه تتسلق تلت تربع سلقه ونصفيها وفى الخلاط نضيف اللبن والدقيق وماء السلق ومثلثات الجبنه ومعلقه القشطه والملح والفلفل الاسود ونضربهم فى الخلاط ونجيب حله ونضيف معلقتين سمنه وننزل بالخليط ونقلب حتى يصبح بشاميل كريمى.
نحضر الخلطه فى صنيه ننزل بمعلقه سمنه والبصل متقطع صغير جدا ونقلبها لغايه ما البصل يدبل ننزل بالفلفل متقطع صغير ونقلب لغايه ما يدبل ننزل بالجزء اللى من بره من الطماطم نشيل قلب الطماطم ونقلبهم ونضيف البهارات الملح والكمون والفلفل الاسود والبابريكا وبهارات المشويات وبهارات اللحمه ورشه السكر ونقلبهم وكده الحشوه بقيت جاهزه.
ناخد كبشه من البشاميل نحطها على المكرونه اللى سلقناها ونقلبها ونجيب الصنيه اللى هنعمل فيها البشاميل ندهنها زيت بسيط ونحط شويه بسيط من البشاميل وننزل بنص كميه المكرونه ونفردها ونحط الخلطه ونفردها ونضيف نص المكرونه الاخر ونفردها ونغطيها بباقى البشاميل ونرش شويه جبنه موتزريلا وده اختيارى حابه تضيفى بيضه تدهنيها من فوق تدى لون براحتك وتدخل الفرن على نار متوسطه وبالهنا.