تبحث العديد من السيدات عن طريقة عمل صينية بطاطس بالفراخ، واليوم نقدم لكي سيدتي اسهل طريقة لعمل بطاطس بالفراخ فى صنيه واحده وبدون وقت ولا مجهود. هتعملى احلى والذ صينية بطاطس بالفراخ فى عشر دقايق وبمكونات اقتصاديه وموجوده فى البيت هتعتمديها فى كل مره هتعملى فيها الفراخ.
مكونات صينية بطاطس بالفراخ
- فرخه
- نص كيلو بطاطس
- ٢ فلفل أخضر
- ٢ فلفل الوان (خطوه اختيارى)
- ٢ بصل كبيره
- ٤ فصوص توم
- معلقتين كبار صلصه
- معلقه كبيره ماسترده
- ٢ معلقه كبيره عسل ابيض
- البهارات
- ملعقة صغيره بهارات فراخ
- ملعقة صغيره كمون
- ملعقة صغيره فلفل اسود
- ملعقة صغيره بابريكا
- نص ملعقة صغيره بصل بودر
طريقه تحضير صينية بطاطس بالفراخ على الطريقة المصرية
هنفتح الفرحه من النص ونشيل جميع الزيادات ونغسلها كويس وننشفها وندعكها برشه فلفل اسود، بعدين نجيب طاسه تفضل تكون غير لاصقه ونحط فيها معلقتين زيت و٤ فصوص التوم لغايه ما التوم يتحمر، ونطلعهم وننزل فى نفس الطاسه بالفرخه ونحمرها على الجانبين بعدين نخرجها وفى نفس الطاسه، ننزل بالبصل شرائح لغايه ما يدبل وننزل بالفلفل شرائح لحد ما يدبل الفلفل وننزل بالبطاطس شرائح سميكه علشان تتحمل السوى معانا وتتكسرش ونحط رشه من الملح والكمون والفلفل ومعلقه صلصه ونقلبها لغايه ما البطاطس تاخد لون ذهبي.
نجيب صنيه ونحط كل الخلطه دى ونوسع للفرخه ونجيب طبق ونحط فيه الماسترده والعسل والصلصه والكمون والفلفل الاسود وبصل بودر والبابريكا وبهارات الدجاج والملح ونقلبهم كلهم مع بعض وندهن الفرخه بعد ما حمرناها من كل الاتجاهات وباقى الخلطه نحطها على الخضار ونحط الفرخه فوق الخضار ونحط معيار كوب ماء ونغطى الصنيه بورق الومنيوم وندخلها الفرن هتاخد معاكى من نص ساعة إلى ساعه الا ربع حسب حجم الدجاجه بعدين نطلعها وندخلها تحت الشوايه تاخد لون من فوق وبالهنا والشفا الذ صينية بطاطس بالفراخ ممكن تعمليها.