جدول المحتويات
الجلاش من احلي واشهي الحلويات اللي تقدري تقدميها علي سفرتك وممكن تعمليها لضيوفك في اقل وقت وبأقل تكاليف، ولو الجو زهق والوقت قصير وانتى محتاره تعملى اى حلو للأولاد فى وقت قصير ولا مجهود ولا تكاليف تقومى تعملى الجلاش الحلو من الحلويات الشرقية الشهيرة التي يتم تقديمها عادة في المنزل لسهولة تحضيره حيث تتقن ربات البيوت طرق تحضيره سواء كان ساده أو بالمكسرات أو بحشوات مختلفة.
جلاش حلو ساده بدون حشوه
المقادير
- لفة جلاش
- السمن بلدي
- شربات ثقيلة
- مقادير الشربات
- 2 كوب سكر
- كوب ونصف ماء
- عصير نصف ليمونة
- للحشو
- فستق مطحون
- او أنواع مختلفة من المكسرات المطحونة
- او كاسترد
طريقة التحضير
نجهز الشربات حيث نخلط السكر والماء معا جيدا ونضعهما في قدر ونضعهما على النار ونترك المزيج ليغلي لمدة 7 دقائق ثم نضيف عصير الليمون ونتركه على النار حتى يتكاثف قليلاً ، ثم نزيل الشربات من النار ونتركه يبرد. قم بتشغيل الفرن واتركه يسخن، نذوب السمن ونأخذ صينية الفرن وندهنها بالسمن، نجهز رول الجلاش ونبدأ في دهنه بالصينية ونطليه بين كل ورقة والأخرى بالسمن ويمكن دهن كل ورقتين حسب الرغبة، نسكب باقي السمن على الوجه ونقطع الجلاش ونضعه في الفرن الساخن حتى يتحول لونه إلى الأحمر. نخرجها ونسقيها بالقطر البارد بمجرد خروجها ونتركها تبرد وتقدم بالهنا
طريقة عمل الجلاش الحلو بالباستري كريم
المقادير
نصف لفة من الجلاش.
كوب من الباستري كريم بودرة.
كريم شانيته.
نصف كوب من اللبن.
القليل من السمنة.
كرز.
شربات.
مقادير الشربات
٢ كوب سكر
كوب ونص ماء
نص ليمونه.
طريقة التحضير
يتم تقطيع الجلاش إلى مربعات، ندهن كل طبقة من طبقات الجلاش بالسمن، ونضعها في صينية، نضع الصينية في الفرن حتى يحمر لونها يتم خفق الباستري كريم مع الماء، ويضاف إليها الكريم شانتيه واللبن وتخفق المكونات جيدًا، نضع على الجلاش الشربات، ونضع خليط الكريمة في كيس الحلواني ونقوم بتشكيلها على الجلاش.
الجلاش الحلو بالمكسرات
المقادير
- لفه جلاش
- سمنه
- مكسرات
طريقه التحضير
هنجيب لفة جلاش ونضع ورقة ورقة وندهن بين كل ورقة والتانية سمنة لحد ما نخلص الكمية كلها اللى هى تقريبا ١٠ ورقات . وبعدين هنقطعها مربعات بالطول والعرض بالتساوي يعنى تقريبا ١٦ مربع وبعدين هندهن سمن ونضع المكسرات ونقفل كل قطعة مثلث ونرصهم فى صينية مدهونة سمن بحيث تكون رأس المثلث عليها المثلث اللى بعده عشان ما تفكش وبعدين ندخله فرن سخن على درجة حرارة ٢٠٠ لحد ما ياخد اللون الذهبي الجميل . ويطلع سخن ننزل عليه الشربات بارد ويكون متوسط القوام لا تقيل قوى ولا خفيف .
مقادير العسل أو الشربات
- كوب وربع سكر
- كوب ماء
- عصير نصف ليمونة
المكشكشة بالكاستر
المقادير
- ٣ كوب حليب
- ٣ معالق كبيره سكر
- ٢ معالق كبيره نشا
- ٢ معالق كبيره كاسترد
طريقه التحضير
في بوله نخلط الحليب مع السكر والنشا والكاستر. نقلبهم علي البارد وبعدين نرفعه علي النار نقلب لحد لم يتماسك في صينية مربعه ندهن زبده نقسم الجلاش لجزءين ونفرد وندهن بين الطبقات ننزل ب الكاسترد في نص الصينية ونوزعه في الصينية كلها الزيدات اللي علي الطرف بتاعت الجلاش هنسبها زي ما هي عشان نقفل علي الكاسترد اللي عملناه، هنجيب ورقة جلاش ونعملها زي المروح الورق بتاعت زمان ونرس علي وش الصينية وهكذا لحد لم نقفل وش الصينية بمراوح الجلاش ندخل فرن أعلي حراره لمده نص ساعة وبعدين نشغل الشواية علي خفيف تاخد لون.
الشربات
- في اناء
- ١ كوب ماء
- ١ كوب سكر
- ½ عصير ليمونه
- نقلبهم علي النار لمدة ١٠ دقائق
- الصينية تخرج من الفرن ننزل عليها بالشربات وبالهنا
الجلاش المحشى بالبسبوسه والمكسرات
المقادير
- 1\2 كيلو جلاش
- كوب سميد
- 1\2 كوب سكر
- 1\2كوب جوز هند
- كوب زبادى
- كوب سمن او زبده مذاب
- كيس فانيليا
- مكسرات حسب الرغبة
طريقه التحضير
- اولا : نحمر دقيق السميد فى نصف كوب سمن فى اناء على النار حتى يشقر لونه ثم نرفعه من على النار ونقلب فيه جوز الهند والسكر وهى ساخنه
- ثانيًا : نظل نقلب حتى يبرد ولايحرق جوز الهند نقلب عليهم الزبادى حتى التجانس تمام
- ثالثا : نفرد راق من الجلاش وندهنها بالسمن المذاب ونضع علي اطرافها الحشوه ونلفها كالرول ونرص الرولات في صنيه مدهون بالسمن ونقطعها
رابعا : تدخل فى فرن ساخن على حراره 180 درجه مئويه حتى تحمر
خامسا : تسقى بالشربات البارد وهى ساخنه ثم ندخلها فى حرارة الفرن المطفى قليلا حتى تتشرب الشربات والف هنا.
صوابع الجلاش بالكنافه والمكسرات
المقادير
- لفه جلاش
- ربع كيلو كنافه
- سمنه
- شربات
طريقه التحضير
ربع كيلو كنافه محمره في سمنه عليها مكسرات مجروشه ومعلقتين كبار شربات هنطبق الورقه نصين ونفردها ونضع الحشو علي الطرف وتلف رول ونرصها في الصينيه ثم تقطع اصابع متساوية ندهنهم سمنه وتوضع الصينية في فرن ساخن ثم تشغل الشوايه لتحمير الوجه تسقي الاصابع بالشربات .
جلاش بالمهلبيه
المقادير
- ٢ كوب سكر
- كوب ونصف ماء
- عصير نص ليمونه
- فانيليا
طريقة التحضير
- اولا : نحضر الشربات وهو عباره عن كوبين سكر مضاف ليهم كوبين ونصف مياه وبعد ما يغلى يضاف ليها عصره نصف ليمون ورشه فانيليا يرفع على البوتجاز و١٠ دقائق بعد الغليان يطفى عليه حتى يبرد
- ثانيا : القشطه او الحشو نصف كيلو حليب مضاف اليه ٤ معالق قشطه و٣ معالق سكر
ويرفع على النار وعند الغليان يضاف اليه ٣ معالق نشا مليانين مدوبين فى ربع كوب حليب ويقلب حتى يتقل، يفرغ الحشو فطبق مدور على شكل قرص اقل من حجم الصنيه بحاجه بسيط (الصنيه اللى هيتعمل فيها الجلاش) ويترك حتى يبرد ويتماسك الجلاش
نحضر صنيه ولفه جلاش ويتم قص الجلاش على حجم الصنيه ندهن الصنيه بسمنه بلدى او زبده بلدى ويتم رص طبقات الجلاش ومابين كل طبقه والآخر معلقتين سمنه سايحه ونضيف من القطع المقصوصه من الجلاش حتى نضف نصف الكميه ونضع قرص القشطه المجهز بالخطوه ثانيا ونحاول انزاله فى النصف بالظبط ثم نكمل باقى الطبقات وبين كل طبقه والثانيه زبده او سمنه سايحه حتى تنتهى الكميه بالكامل
تقطع على شكل مثلثات وتدخل الفرن على درجه حراره ٢٠٠ حتى تاخد اللون الذهبي وبعد أن تخرج من الفرن تسقى بالشربات. ويغلي علي نار هادئه ١٠ دقايق ونطفي الناروبالهنا